ਸ਼੍ਰੀ ਸੁਰਿੰਦਰ ਕੁਮਾਰ ਬੇਰੀ ਨੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ ਵਿੱਤ ਡਾਇਰੈਕਟਰ ਵਜੋਂ ਚਾਰਜ ਸੰਭਾਲਿਆ

ਪਟਿਆਲਾ–ਸ਼੍ਰੀ ਸੁਰਿੰਦਰ ਕੁਮਾਰ ਬੇਰੀ ਨੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ ਵਿੱਤ ਡਾਇਰੈਕਟਰ ਵਜੋਂ ਆਪਣੇ ਅਹੁਦੇ ਦਾ ਚਾਰਜ ਸੰਭਾਲ ਲਿਆ ਹੈ। ਪੰਜਾਬ ਸਰਕਾਰ ਵੱਲੋਂ ਉਨ੍ਹਾਂ ਦੀ ਨਿਯੁਕਤੀ ਦੋ ਸਾਲਾਂ ਲਈ ਕੀਤੀ ਹੈ। ਸ੍ਰੀ ਸੁਰਿੰਦਰ ਕੁਮਾਰ ਬੇਰੀ ਦਾ ਜਨਮ 18 ਨਵੰਬਰ, 1963 ਨੂੰ ਹੋਇਆ। ਉਨਾਂ ਨੇ ਬੀ.ਕਾਮ, ਐਮ.ਬੀ.ਏ (ਮੈਡਲਿਸਟ) ਅਤੇ ਚਾਰਟਰਡ ਅਕਾਊਂਟੈਂਟ ਤੱਕ ਵਿਦਿਆ ਹਾਸਲ ਕੀਤੀ।
ਉਨਾਂ ਨੇ ਸੰਨ 1991 ਵਿੱਚ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਸਾਬਕਾ ਪੀ.ਐਸ.ਈ.ਬੀ. ਵਿੱਚ ਆਪਣੀ ਸੇਵਾ ਬਤੌਰ ਲੇਖਾ ਅਫਸਰ ਵਜੋਂ ਸ਼ੁਰੂ ਕੀਤੀ ਅਤੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਅਤੇ ਪੰਜਾਬ ਸਟੇਟ ਟਰਾਂਸਮਿਸ਼ਨ ਕਾਰਪੋਰੇਸ਼ਨ ਲਿਮਟਿਡ ਦੇ ਸਭ ਤੋਂ ਸੀਨੀਅਰ ਸੀ਼.ਏ.ਉ./ਸੀ਼.ਐਫ.ਉ਼.ਦੇ ਪੱਧਰ (ਇੰਜੀਨੀਅਰ ਇਨ ਚੀਫ ਦੇ ਸਕੇਲ) ‘ਤਕ ਪਦ ਉਨਤ ਹੋਏ। ਉਨਾਂ ਨੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਅਤੇ ਪੰਜਾਬ ਸਟੇਟ ਟਰਾਂਸਮਿਸ਼ਨ ਕਾਰਪੋਰੇਸ਼ਨ ਲਿਮਟਿਡ ਵਿੱਚ 30 ਸਾਲਾਂ ਤੋਂ ਵੱਧ ਸਮੇਂ ਸੇਵਾ ਕੀਤੀ।