ਕਤਲ ਕਰਕੇ ਫਰਾਰ ਹੋਏ ਕਾਤਿਲ 12 ਘੰਟੇ ਵਿੱਚ ਹੀ ਦਬੋਚ ਲਏ ਪਟਿਆਲਾ ਪੁਲਿਸ ਨੇ — ਡਾਕਟਰ ਨਾਨਕ ਸਿੰਘ SSP ਪਟਿਆਲਾ

Report : Rakhi

ਡਾਕਟਰ ਨਾਨਕ ਸਿੰਘ ਆਈ ਪੀ ਐੱਸ ਸੀਨੀਅਰ ਕਪਤਾਨ ਪੁਲਿਸ ਪਟਿਆਲਾ ਦੇ ਦਿਸ਼ਾ-ਨਿਰਦੇਸ਼ਾਂ ਮੁਤਾਬਕ ਹਰਪਾਲ ਸਿੰਘ ਪੀ ਪੀ ਐਸ, ਐਸ ਪੀ ਪਟਿਆਲਾ ਅਤੇ ਅਸ਼ੋਕ ਕੁਮਾਰ ਪੀ ਪੀ ਐਸ, ਡੀ ਐਸ ਪੀ ਸਿਟੀ ਪਟਿਆਲਾ ਦੀ ਨਿਗਰਾਨੀ ਹੇਠ, ਸਬ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਲਾਹੌਰੀ ਗੇਟ ਪਟਿਆਲਾ ਨੇ ਆਪਣੀ ਪੁਲਿਸ ਪਾਰਟੀ ਦੇ ਨਾਲ ਉਸ ਵੇਲੇ ਕਾਮਯਾਬੀ ਹਾਸਲ ਕੀਤੀ, ਜਦੋਂ ਸ੍ਰੀ ਕਾਲੀ ਮਾਤਾ ਮੰਦਰ ਦੇ ਨੇੜੇ ਹੋਏ ਕਤਲ ਦੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਪੰਜਾਬ ਦੇ ਪਟਿਆਲਾ ਵਿੱਚ ਮਸ਼ਹੂਰ ਸ਼੍ਰੀ ਕਾਲੀ ਮਾਤਾ ਮੰਦਰ ਦੇ ਸਾਹਮਣੇ ਪੱਤਰਕਾਰ ਪ੍ਰੀਤਪਾਲ ਸਿੰਘ ਦੇ ਕਤਲ ਦੋ ਨੌਜਵਾਨਾਂ ਨੇ ਮਾਮੂਲੀ ਤਕਰਾਰ ਉਪਰੰਤ ਕਤਲ ਦੀ ਵਾਰਦਾਤ ਕੀਤੀ। ਪੁਲਿਸ ਨੇ 24 ਘੰਟੇ ਵਿੱਚ ਵਾਰਦਾਤ ਦੀ ਗੁੱਥੀ ਨੂੰ ਸੁਲਝਾਉਂਦੇ ਹੋਏ ਦੋਵਾਂ ਨੂੰ ਗਿਰਫਤਾਰ ਕਰ ਲਿਆ ਹੈ। ਉਨਾਂ ਦੀ ਪਛਾਣ ਸਨੀ ਅਤੇ ਸ਼ੁਭਮ ਦੇ ਤੌਰ ‘ਤੇ ਹੋਈ ਹੈ।

ਬੁਧਵਾਰ ਸਵੇਰ ਤੱਕ 6:30 ਵਜੇ ਦੇ ਨੇੜੇ ਪਟਿਆਲਾ ਸ਼ਹਿਰ ਦੇ ਮਸ਼ਹੂਰ ਸ਼੍ਰੀ ਕਾਲੀ ਮਾਤਾ ਮੰਦਰ ਦੇ ਸਾਹਮਣੇ ਮਾਲ ਰੋਡ ਦੇ ਪਾਸ ਗਲੀ ਵਿੱਚ ਨੌਜਵਾਨ ਪ੍ਰੀਤਪਾਲ (19) ਨੂੰ ਚਾਕੂ ਮਾਰ ਦਿੱਤਾ ਗਿਆ ਸੀ। ਚਾਕੂ ਉਸਦੇ ਦਿਲ ਵਿੱਚ ਲਗਿਆ ਅਤੇ ਹਸਪਤਾਲ ਵਿੱਚ ਉਸਦੀ ਮੌਤ ਹੋ ਗਈ । ਉਹ ਘਰ ਤੋਂ ਨਵਰਾਤਰਿਆਂ ਦੇ ਚਲਦੇ ਸ਼੍ਰੀ ਕਾਲੀ ਮਾਤਾ ਮੰਦਰ ਵਿੱਚ ਮੱਥਾ ਟੇਕਨ ਲਈ ਨਿਕਲਿਆ ਸੀ।ਇਨ੍ਹਾਂ ਦੋਸ਼ੀਆਂ ਦੇ ਖਿਲਾਫ 6 ਅਪ੍ਰੈਲ 2012 ਨੂੰ ਕਤਲ ਦੀ ਧਾਰਾ 302 ਅਧੀਨ ਥਾਣਾ ਲਾਹੌਰੀ ਗੇਟ ਪਟਿਆਲਾ ਵਿਖੇ ਮਾਮਲਾ ਦਰਜ ਹੋਇਆ ਸੀ। ਦੋਸ਼ੀ 66 ਕੇਵੀ ਗਰਿੱਡ ਕਲੋਨੀ ਦੇ ਮਕਾਨ ਨੰਬਰ 30 ਪੀ ਦੇ ਰਹਿਣ ਵਾਲੇ ਸਨ ਅਤੇ ਹੁਣ ਤਫੱਜਲਪੁਰਾ ਪਟਿਆਲਾ ਦੀ ਗਲੀ ਨੰਬਰ 430 ਦੇ ਮਕਾਨ ਨੰਬਰ 3 ਵਿਚ ਰਹਿ ਰਹੇ ਸਨ। ਇਨ੍ਹਾਂ ਦੋਸ਼ੀਆਂ ਦੀ ਪਛਾਣ ਸੋਨੂ ਉਰਫ ਸਨੀ ਉਰਫ ਬਾਜਾ ਅਤੇ ਸ਼ੁਭਮ ਕੁਮਾਰ ਉਰਫ਼ ਸੀਬੂ ਪੁੱਤਰ ਵਿਨੋਦ ਕੁਮਾਰ ਵਜੋਂ ਕੀਤੀ ਗਈ ਹੈ ।ਇੱਥੇ ਦੱਸਣਾ ਜ਼ਰੂਰੀ ਹੈ ਕਿ ਇਸ ਕਤਲ ਕਾਰਨ ਆਮ ਜਨਤਾ ਵਿਚ ਡਰ ਦਾ ਮਾਹੌਲ ਸੀ ਅਤੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਮੀਡੀਆ ਨੇ ਵੀ ਪਟਿਆਲਾ ਦੀ ਕਾਰਗੁਜ਼ਾਰੀ ਤੇ ਸਵਾਲ ਸ਼ੁਰੂ ਕਰ ਦਿੱਤੇ ਸਨ, ਪਰ ਆਈ ਪੀ ਐਸ ਨਾਨਕ ਸਿੰਘ ਦੀ ਅਗਵਾਈ ਵਿਚ ਪਟਿਆਲਾ ਪੁਲਿਸ ਨੇ ਸਾਬਤ ਕਰ ਦਿੱਤਾ ਕਿ ਦੋਸ਼ੀ ਚਾਹੇ ਕਿੰਨੇ ਵੀ ਚੁਸਤ ਚਲਾਕ ਹੋਣ ਪਰ ਕਾਨੂੰਨ ਦੇ ਲੰਬੇ ਹੱਥਾਂ ਤੋਂ ਬਚ ਨਹੀਂ ਸਕਦੇ। ਇਹਨਾਂ ਕਾਤਲਾਂ ਦੀ ਗ੍ਰਿਫਤਾਰੀ ਉਪਰੰਤ ਆਮ ਜਨਤਾ ਨੇ ਸੁਖ ਦਾ ਸਾਹ ਲਿਆ ਹੈ, ਅਤੇ ਐਸ ਐਸ ਪੀ ਨਾਨਕ ਸਿੰਘ ਦਾ ਇਸ ਨੇਕ ਕੰਮ ਲਈ ਧੰਨਵਾਦ ਵੀ ਕੀਤਾ ਹੈ।

ਪਟਿਆਲਾ ਦੇ SSP ਡਾ. ਨਾਨਕ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਪ੍ਰੀਤਪਾਲ ਦੀ ਹੱਤਿਆ ਦੇ ਮਾਮਲੇ ਵਿੱਚ ਐਸਪੀ ਸਿਟੀ ਹਰਪਾਲ ਸਿੰਘ ਦੀ ਅਗਵਾਈ ਵਿੱਚ ਡੀਐਸਪੀ ਸਿਟੀ ਅਸ਼ੋਕ ਸ਼ਰਮਾ ਅਤੇ ਐਸਐਚਓ ਥਾਨਾ ਲਹੌਰੀ ਗੇਟ ਦੀ ਇੱਕ ਵਿਸ਼ੇਸ਼ ਟੀਮ ਨੇ ਇਸ ਦੀ ਜਾਂਚ  ਕੀਤੀ। ਜਾਂਚ ਟੀਮ ਨੇ ਆਪਣੇ ਆਲੇ-ਦੁਆਲੇ ਦੇ ਸੀਸੀਟੀਵੀ ਫੁਟੇਜ ਨੂੰ ਸਰਚ ਕੀਤਾ ਅਤੇ ਦੋ ਨੌਜਵਾਨਾਂ ਦੇ ਬਾਰੇ ਪਤਾ ਲੱਗਿਆ। ਇਹ ਸਾਹਮਣੇ ਆਇਆ ਕਿ ਸੰਨੀ ਅਤੇ ਸ਼ੁਭਮ ਨਾਮ ਦੇ ਭਰਾਵਾਂ ਨੇ ਇਹ ਹੱਤਿਆ ਕੀਤੀ  ਹੈ।

ਪੁਲਿਸ ਨੇ ਸਨੀ ਅਤੇ ਸ਼ੁਭਮ ਨੂੰ ਗਿਰਫਤਾਰ ਕਰ ਲਿਆ। ਇਹਨਾਂ ਨੇ ਦੱਸਿਆ ਕਿ ਛੋਟੀ ਜਿਹੀ ਗੱਲ ਕਾਰਣ ਝਗੜਾ ਹੋ ਗਿਆ ਅਤੇ ਝਗੜੇ ਦੇ ਚਲਦੇ ਦੋਸ਼ੀਆਂ ਨੇ ਚਾਕੂ ਨਾਲ ਵਾਰ ਕੀਤਾ । ਚਾਕੂ ਪ੍ਰੀਤਪਾਲ ਸਿੰਘ ਦੇ ਦਿਲ ਵਿੱਚ ਜਾ ਲੱਗਿਆ। ਜਿਸ ਪ੍ਰੀਤਪਾਲ ਦਾ ਕਤਲ ਹੋਇਆ ਹੈ, ਉਸ ‘ਤੇ ਇਕ ਚੋਰੀ ਦਾ ਮਾਮਲਾ ਦਰਜ ਹੈ।

Leave a Reply

Your email address will not be published.