ਡੀ ਜੀ ਪੀ ਪੰਜਾਬ ਦੀ ਕਾਰ ਦਾ ਚਲਾਨ

ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਨੇ ਪੰਜਾਬ ਦੇ ਡੀਜੀਪੀ ਦੇ ਨਾਂ ‘ਤੇ ਰਜਿਸਟਰਡ ਇਨੋਵਾ ਗੱਡੀ ਦੇ ਸ਼ੀਸ਼ੇ ‘ਤੇ ਬਲੈਕ ਫਿਲਮ ਲਾਉਣ ‘ਤੇ ਇਕ ਹਜ਼ਾਰ ਰੁਪਏ ਦਾ ਚਲਾਨ ਕੱਟ ਦਿੱਤਾ। ਗੱਡੀ ‘ਤੇ ਬਲੈਕ ਫਿਲਮ ਤੋਂ ਇਲਾਵਾ ਸ਼ੀਸ਼ਾ ਢਕਣ ‘ਤੇ ਵੀ ਚਲਾਨ ਕੀਤਾ ਜਾਂਦਾ ਹੈ। ਹਾਲਾਂਕਿ ਡੀਜੀਪੀ ਗੱਡੀ ‘ਚ ਨਹੀਂ ਸਨ। ਕਿਸੇ ਵਿਅਕਤੀ ਨੇ ਸੋਸ਼ਲ ਮੀਡੀਆ ਰਾਹੀਂ ਟ੍ਰੈਫਿਕ ਪੁਲਿਸ ਨੂੰ ਇਸ ਬਾਰੇ ਸ਼ਿਕਾਇਤ ਦਿੱਤੀ ਸੀ। ਟ੍ਰੈਫਿਕ ਪੁਲਿਸ ਨੇ ਤੁਰੰਤ ਟੀਵੀਆਈਐੱਸ ਚਲਾਨ ਕੱਟ ਦਿੱਤਾ। ਇਸ ਤੋਂ ਬਾਅਦ ਵਿਭਾਗ ਨੇ ਸ਼ਿਕਾਇਤਕਰਤਾ ਨੂੰ ਬਕਾਇਦਾ ਦੁਬਾਰਾ ਤੋਂ ਮੈਸੇਜ ਕਰ ਕੇ ਕਾਰਵਾਈ ਦੀ ਜਾਣਕਾਰੀ ਦਿੱਤੀ।

ਇਨੋਵਾ ਗੱਡੀ ਪੰਜਾਬ ਦੇ ਡੀਜੀਪੀ ਦੇ ਨਾਂ ‘ਤੇ ਰਜਿਸਟਰਡ ਹੈ ਪਰ ਪਤਾ ਨਹੀਂ ਲੱਗ ਸਕਿਆ ਕਿ ਗੱਡੀ ਪੰਜਾਬ ਪੁਲਿਸ ਦਾ ਕਿਹੜਾ ਅਧਿਕਾਰੀ ਵਰਤਦਾ ਹੈ। ਚੰਡੀਗੜ੍ਹ ‘ਚ ਟ੍ਰੈਫਿਕ ਨਿਯਮ ਆਮ ਤੇ ਖ਼ਾਸ ਦੋਵਾਂ ਲਈ ਬਰਾਬਰ ਹੈ। ਇਸ ਤੋਂ ਪਹਿਲਾਂ ਟ੍ਰੈਫਿਕ ਪੁਲਿਸ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਦੇ ਜੱਜ ਦੀ ਗਲ਼ਤ ਪਾਰਕਿੰਗ ਗੱਡੀ, ਐਂਟੀ ਟੈਰੇਰਿਸਟ ਫਰੰਟ ਦੇ ਪ੍ਰਧਾਨ ਐੱਮਐੱਸ ਬਿੱਟਾ ਦੀ ਗ਼ਲਤ ਪਾਰਕਿੰਗ ਗੱਡੀ ਤੇ ਵਿਧਾਇਕ ਵਿਜੈਇੰਦਰ ਸਿੰਗਲਾ ਦੀ ਗੱਡੀ ਦਾ ਚਲਾਨ ਕਰ ਚੁੱਕੀ ਹੈ। ਟ੍ਰੈਫਿਕ ਪੁਲਿਸ ਯੂਟੀ ਦੇ ਸਬ ਇੰਸਪੈਕਟਰ ਤੇ ਆਪਣੀ ਟੋਇੰਗ ਵੈਨ ਦੀ ਰੈੱਡ ਲਾਈਟ ਜੰਪ ਕਰਨ ‘ਤੇ ਚਲਾਨ ਕਰ ਚੁੱਕੀ ਹੈ।

 

Leave a Reply

Your email address will not be published. Required fields are marked *